2023 senesi oktâbrniñ 5-nde Kıyivde "Rusiye mahküm etken Vladislav Yesipenko ve diger qırımlı jurnalistler nasıl qurtarılacaq" matbuat konferentsiyası olar keçti.
Onıñ iştirakçileri şimdiki vaziyet aqqında tarif etti, anda media temsilcileri bar – Qırım.Aqiqatnıñ serbest hadimi Vladislav Yesipenko da olğan Kreml reineleri, siyasiy mabüslerniñ taqip etilüvinen bağlı Rusiye vekilleri aqqında tarif etti.
Tedbirniñ teşkilâtçıları ZMINA İnsan aqları merkezi ve Azatlıq Radiosı.
Qırım uquq qoruyıcı gruppasınıñ malümatına köre, Rusiye apis yerlerinden qanunsız tarzda eñ az 173 qırımlı siyasiy mabüsni tuta.
"Bugün eñ az 15 qırımlı jurnalist Rusiye uydurğan davalar sebebinden apiste yata. Bu raqam artında qoranta, ömür arqadaşları, balalar bar. Bu aileler toqtamayıp çekişe", – dep qayd etti Olğa Skrıpnik.
Aleksey Bessarabov, Vladislav Yesipenko, Seyran Saliyev, Marlen (Suleyman) Asanov, Timur İbragimov, Server Mustafayev, Osman Arifmemetov, Remzi Bekirov, Ruslan Suleymanov, Rustem Şeyhaliyev, Amet Suleymanov, Asan Ahtemov, İrina Daniloviç, Vilen Temeryanov, Ernes Ametov aqqında aytıla.
