Rusiye qurğan Aqmescit Kiyev rayon mahkemesi uquqçı ve aq qorçalayıcı Rustem Kâmilevge 50 biñ ruble cöreme berdi, dep haber etile «Qırım birdemligi» Facebook saifesinde.
Qırımlığa qarşı qabaatlavlar Rusiye Federatsiyası ordusını «itibardan tüşürüvnen» bağlı eken (Rusiye Federatsiyası Memuriy uquq bozuvları kodeksininiñ 20.3.3 maddesiniñ 1-inci qısmı).
Aynı mahkeme Kâmilevni 10 künge apiske aldı.
Belli olğanına köre, «Qırım birdemligi» cemaat areketiniñ uquqçıları Rustem Kâmilev ve Lilâ Gemeciniñ evine polis hadimleri keldi.
Qırımdaki Rusiye ekstremizm ile küreş merkeziniñ idare hadimleri evde Rusiye kontrolindeki Aqmescitniñ Kiyev rayon mahkemesiniñ qararına köre teşkerüv keçirdi.
Rusiye uquq qoruyıcıları Rustem Kâmilevni tuttı. Aq qorçalayıcığa qarşı eki protokol tizildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
