Qayd etilgenine köre, 37 yaşındaki erkek Telegramda ukrayin subetleriniñ faal iştirakçisi edi.
"Muzakere esnasında vatandaş ruslarnı öldürmege faal surette çağıra ve aqaretley edi. Amma saifeniñ qullanuvı qanuniy mesüliyetke oğramağa yardım etmedi", — dep aytıla haberde.
Keçken sene aprel ayında Rusiye telükesizlik hadimleri Kefe sakinini "ekstremist faaliyetine çağıruvlar" içün yaqalağanları aqqında haber etilgen edi.
Qırımtatar Resurs Merkeziniñ insan aqlarınıñ bozuluvı ile bağlı soñki talilinde, 2024 senesi işğal etilgen Qırımda 61 tintüv qayd etildi, 35-i qırımtatarlarnıñ evlerinde keçirildi, dep bildirildi.
QRM-niñ qayd etkenine köre, tintüvlerniñ keçirilmesine sebep olaraq yasaq etilgen teşkilâtlarda iştirak etüv, casuslıq, ekstremizm ya da nefret yaymaq ola.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
