Bu dava boyunca qabaatlanğan qırımlı faallerden biri olğan Rinat Aliyev oturışuvda bulunmasa da Rusiyeniñ Rostov-na-Donu şeerindeki Cenübiy okrugınıñ arbiy mahkemesinde "Qırım musulmanları davası"nıñ mabüslerine SİZO-da apis müddeti noyabrniñ 29-na qadar uzatıldı. Bu aqta "Qırım birdemligi" cemaat birleşmesi Facebook saifesinde haber ete.
Rostov-na-Donu SİZO-sınıñ raportı mahkemede oquldı, onda aytıla ki, Rinat Aliyev "hastalıq numayışı yapa ve kameradan çıqmaq istemey". Aralarda advokatlar dava iştirakçilerinden qırımtatar faali SİZO-da virus yuqunçından ağır hasta olğanını ögrendi.
"O, o qadar ağır hastalandı ki, yataqtan turıp namaz oqup olamay", — dep tarif etti advokat Emil Kurbedinov.
Advokatlar ve olarnıñ imayecileri mahkeme oturışını nevbetteki kere keçirmekni talap ettiler. Yarım saatlıq teneffüsten soñ mahkemege Rusiye Federatsiyasınıñ FSİN ekimlerinden daa bir maruza keldi, olar Aliyev "sağlığından şikâyet etmegenini" bildirdiler.
"Mahkeme bu (vesiqa) yeterli olğanını saydı ve oturışnı devam etti", — dep qoştı Kurbedinov.
2022 senesi avgustnıñ 11-nde saba Qırımnıñ Canköy ve Canköy rayonında qırımtatar faalleriniñ evlerinde kütleviy tintüvler keçirildi, advokatlarnı tahqiqat tedbirlerine yibermediler, olar mobil bağnıñ kesilgenini bildirdiler. Vilen Temeryanova, Enver Kroş, Seityaya Abbozov, Murat Mustafayev, Edem Bekirov ve Rinat Aliyevni Rusiye quvetçileri Rusiyede yasaq etilgen "Hizb ut-Tahrirde" iştirak etkenlerinde qabaatlap yaqaladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
