Rusiye, işğal etilgen Geniçesk şeerinden Nariman Ablâzovnı Noman Çelebicihan adına qırımtatar batalyonında iştirak etkeni içün mahküm etti. Bu aqta "Rayon.Geniçesk" neşiri menbağa atıf etip yaza.
Neşirniñ malümatına köre, Rusiye Federatsiyası nezaretindeki mahkeme musafirhane biznesiniñ saibini "terroristik teşkilâtta" iştirak etkeninde qabaatlap, 3,6 yılğa azatlıqtan marum etti.
Rusiye tahqiqatınıñ versiyasına köre, o, göñülli olaraq Noman Çelebicihan adına qırımtatar batalyonına kirgen ve onıñ faaliyetinde faal iştirak etken. Bu ise Rusiye Federatsiyasınıñ bütünligini bozuz ve oña qarşı silâlı küreş alıp baruv demektir.
Aprel ayında Qırımtatar resurs merkezi 2014 senesinden başlap eñ azından 41 insan "Noman Çelebicihan adına qırımtatar göñülli batalyonında" iştirak etkeninde qabaatlanıp tutulğanını bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
