Rusiyeniñ Üçünci umumiy istinaf mahkemesi, Rusiye quvetçileri tarafından Ukrayin istihbaratı ile işbirligi yapqanı içün devletke hainlik yapqanında qabaatlanğan Canköy rayonınıñ sakini içün 15 yıl apis cezası ve 100 biñ ruble para cezasını deñiştirmedi. Bu aqta Rusiye kütleviy haber vastaları Rusiye FSB-sınıñ Qırım idaresine atıf etip bildire.
Qayd etilgenine köre, qadın arbiy ava limanları, ava mudafaası vastaları ve mahsus tehnika yerleşken yerler aqqında malümat toplay edi, daa bu yerlerge barıp, anda olğan obyektlerni fotoğa çeke edi.
Mahkümniñ adı ve soyadı aytılmay. Rusiye kütleviy haber vastalarınıñ bildirgenine, yüzü körünmegen qadınnıñ Rusiye quvetçileriniñ versiyasını tasdıqlağan video ilâve etile. Bu video basqı altında yapılğan ola bile. Bu vaziyette mustaqil menbalar yardımınen Rusiye FSB-sınıñ malümatını tasdıqlamaq qıyın.
Ukrayina Mudafaa nazirliginiñ Baş istihbarat idaresi bu haberni ve vaziyetni izaatlamadı.