Rusiyeniñ Qırım mahkemesi yerli saknni "Noman Çelebicihan adına qırımtatar batalyonında iştirak" içün 2 yıl apis cezasına mahküm etken. Bunı RİA Noosti haber ete.
Erkekniñ 2016 senesi batalyonnıñ sıralarına qoşulıp, birleşmeniñ faaliyetiniñ teminatınen oğraşqanı iddia etile.
"Onıñ terkibinden öz isteginen çıqmaq fırsatı olğanına baqmadan, o, qanun qoruyıcı organlarına ariza ile muracaat etmedi", - dep yazıla bildirmede.
Erkekniñ adını ve izaatını Rusiye agentilgi bildirmey.
Hatırlatamız, işğal etilgen Qırımda «Noman Çelebicihan qırımtatar batalyonında» iştirak etüv manaçığınen taqip etilgen onlarnen insan bar. Bazıları apis cezalarını aldı ve Rusiye apishanelerinde yata.
Rusiye FSBsi «Noman Çelebicihan qırımtatar batalyonını» 2022 senesi «terror teşkilâtları» cedveline kirsetti.
Ukrayina uquq qoruyıcı organları erkânında qırımtatar batalyonını quruv munaqaşası 2016 senesinden berli devam ete. Ukrayina İç işler nazirligine ait Ukrayina Milliy gvardiyası, olarnıñ qurulışında «qırımtatar batalyonınıñ» qurulması aqqında beyanatlar şimdilik qanun seviyesinde tasdıqlanmağan beyanatlar olıp qla, dep qayd etken edi. «Asker» cemaat teşkilâtınıñ yolbaşçısı Lenur İslâmov Noman Çelebicihan «qırımtatar batalyonına» arbiy bölük nomerasını bermege talap etken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
