Rostov-na-Donudaki Cenübiy okrugınıñ arbiy mahkemesi «Qırım birdemligi» faali Ansar Osmanovnı 20 yılğa azatlıqtan marum etti.
İlk 5 yılını apishanede keçirmek kerek. «Yüzlernen insan ğayıp oldı, yüzlernen kişi apiske alındı ve sahte qabaatlavlarnen üküm etildi, qabaatsızlar işkencege oğratıldı, uydurılğan şaatlıqlar talap etildi, gizli şaatlar oldı — NKVD çaquvları kibi, musulmanlar uzaq lager ve apishanelerge sürgün etile, babaları sağ olsa da, öksüz qalğan yüzlernen bala bar», — dep ayttı faal mahkemede.
Berilgen ceza prokurornıñ istegeninden 2 yıl çoq oldı ve böyle cinaiy davalarda eñ büyük oldı. Bundan evel eñ büyük ceza 19 yıl edi.
Osmanov 2022 senesi fevral ayında Rusiye tintüvlerden soñ apiske alındı. O vaqıt Qırımnıñ bir qaç rayonında dört kişi tutulğan edi: Ansar Osmanov, Marlen Mustafayev, Ernest Seytosmanov ve Amethan Abdulvapov.
Tutulğanlar Rusiyede terror teşkilâtı olaraq tanılğan, amma bir çoq memlekette milliy qanunlar seviyesinde sıñırsız faaliyet köstergen «Hizb ut-Tahrir» islâm siyasiy firqasında iştirak etkeninde qabaatlandı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
