Rusiye mahkemesi 45 yaşındaki Kefe sakini "devlet hainligi"nde qabaatlanıp, 16 yıl koloniyada qalmasına üküm etti, dep bildire Qırımnıñ Rusiye kontrolindeki prokuraturasınıñ matbuat hızmeti.
Rusiye quvetçileriniñ aytqanına köre, "mahsus arbiy operatsiyanıñ" muhalifi olğan adam 2024 senesi İlk küzde malümat toplap, Rusiye Federatsiyasınıñ istihbarat-ücüm tikuçarınıñ areketini fotoğa çekip, bu malümatnı SBU-ğa bergen. Cenk şaraitlerinde Rusiye quvetçileriniñ aytqanlarını teşkermek imkânsızdır.
Adamnıñ adı ve soyadı bildirilmey, onıñ açıq izaatları da yoq. SBU bu ükümni izaatlamadı.
Rusiyede ve onıñ tarafından işğal etilgen topraqlarda quvetçiler Ukrayina tarafdarlarını taqip eteler. Rusiye tarafdarı olğan Qırımlı bloger Aleksandr Talipov öz telegram kanalında Ukrayinağa qoltutqan Qırımlılarnıñ şahsiy malümatlarını derc ete. Böyle şikâyetlerniñ neticesinde Qırımlılar RF ordusını "itibardan tüşürüv" içün yaqalana ve memuriy ve cinaiy mesüliyetke çekile.
Aq qorçalayıcılar, Qırımda Rusiye quvetçileri tarafından açılğan devlet hainligi, Ukrayina ile işbirlik, casuslıq ve diversiya maddeleri boyunca davalarnıñ sayısı artacağını tahmin eteler. Şimdi FSB bu kibi davalarnı aman-aman er kün aça 2014 senesine qadar ise yılda 10 dava açıla edi.