Rusiyeniñ Rostov-na-Donudaki Cenübiy bölge arbiy mahkemesi eki ukrayin Yuriy Domançuk ve Vitaliy Skakunnı işğal altındaki Herson vilâyetiniñ valisiniñ muavini Vitaliy Bülükqa suiqast qabaatı ile 23 ve 24 yıl apis cezasına mahküm etti.
Qararğa köre, 2022 senesi dekabr ayında Skakun ve Domançuk Hersonnıñ işğal altındaki Skadovsk şeerinde Bülükniñ maşnasını patlatqanlar. Aydavcı ölgen, Bülük yaralanğan. Erkekler birden yaqalanğan ediler.
Rusiye prokuraturası tevqif etilgen ukrayin ler içün ömürlik apis cezasını istegen edi. Tahqiqat, ameliyatqa Ukaryina Telükesizlik hızmetiniñ podpolkovniki Pavlo Savitskıy yolbaşçılıq etkenini iddia ete.
Al-azırda mahküm etilgenlerniñ ya da olarnıñ advokatlarınıñ açıq izaatları yoq.
Rusiye işğal etken Ukrayina topraqlarında sıq-sıq işğal memurlarğa suiqast etile.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
