Link açıqlığı

Saatnıñ esas haberi

Rusiye mahkemesi «üçünci Canköy gruppası» mabüsleriniñ ükmüni deñiştirmedi


Bütün delillerge baqmadan, mahkeme dava mabüsleri içün sıñırlav tedbirlerini deñiştirmedi
Bütün delillerge baqmadan, mahkeme dava mabüsleri içün sıñırlav tedbirlerini deñiştirmedi

Moskva vilâyetindeki Vlasiha İstinaf arbiy mahkemesi birinci mahkemeniñ Hizb ut-Tahrir davasındaki «üçünci Canköy gruppasına» qarşı qararını ve sıñırlav tedbirini deñiştirmedi. Bu aqta «Qırım birdemligi» mabüslerniñ advokatları bergen malümatqa esaslanıp bildire.

Ali Mamutov, Enver Halilayev, Nariman Ametov ve Vahid Mustafayev Rostov-na-Donu şeerindeki SİZO-1-den video vastasınen oturışuvda iştirak etkenler.

Qayd etilgenine köre, ev apsinde tutulğan Cadra (Lobanovo) köyüniñ imamı Remzi Kurtnezirov alı yaramay olğanından mahkemege kelip olamadı. Tuvğanlarınıñ aytqanına köre, soñki oturışuvdan soñ alı beterleşti – areket problemleri ve ağrıları bar.

Esnas iştirakçileri terror faaliyetine alâqalarını ve Rusiye anayasa qurumını devirmek ıntıluvlarını inkâr ete. Olar SİZOda qaluv sağlıqlarına menfiy tesir ete, dep qayd ete.

Bütün delillerge baqmadan, mahkeme dava mabüsleri içün sıñırlav tedbirlerini deñiştirmedi.

Martnıñ 5-nde saba Qırımda qırımtatarlarnıñ evlerinde kütleviy tintüvler oldı. Bağçasarayda tahqiqat tedbirleri «Qırım birdemligi» faalleriniñ evlerinde, Canköy rayonında ise din adamlarınıñ evlerinde keçirildi. Tintüvler 10 qırımtatarınıñ evinde yapıldı. Episi «terror teşkilâtında» iştirak etkeninde qabaatlandı.

Aprelniiñ 26-nda Rusiye kontrolindeki Aqmescitniñ Kyiv rayon mahkemesi Canköy ve Canköy rayonından qırımtatarlar Enver Halilayev, Nariman Ametov, Ali Mamutov, faal Arsen Kaşka ve Cadra (Lobanovo) köyüniñ cami imamı Vahid Mustafayevniñ apsini uzattı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG