Qayd etilgenine köre, mahküm etilgen kişi 1988 senesi doğğan Rusiye vatandaşıdır. O, "batalyonğa" 2015 senesi qoşulğan.
"Ateşli silâ ile teminlengen, Ukrayina ve Rusiye arasındaki sıñırdaki keçiş noqtalarında insanlarnı ve avtotransport vastalarını teşkerüv, NVF obyektlerini qoruv vazifelerini eda ete edi. Aynı zamanda bugünge qadar qayd etilgen NVF-de iştiragini öz isteginen toqtatqanını bildirmedi", — dep bildirdi FSB.
Bundan evel oña qarşı Rusiye Federatsiyası Ceza kodeksiniñ 208-inci maddesine istinaden (çetel devletniñ territoriyasında bu devletniñ qanunlarına zıt kelecek silâlı birleşmede iştirak etüv, Rusiye menfaatlarına zıt kelecek maqsadlarnen) dava açılğan edi.
Qırımda Noman Çelebicihan adına qırımtatar batalyonında iştirak etkenleri içün onlarnen vatandaş taqip etilgeni qayd etile. Yaqalanğanlarnıñ çoqusı kerçek apis cezalarını ala ve Rusiye apishanelerinde apis cezasını çekel.
Aprel ayında Qırımtatar resurs merkezi 2014 senesinden başlap eñ azından 41 insan "Noman Çelebicihan adına qırımtatar göñülli batalyonında" iştirak etkeninde qabaatlanıp tutulğanını bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
