Rusiye prokuraturası mahküm etilgen 47 yaşındaki İgor Kopilo olğanını bildirdi.
Rusiye tahqiqatı aqaynı Ukrayina arbiy istihbaratınen işbirlikte qabaatladı. Onıñ buyurığı ile, 2023 senesi yanvar ayından aprel ayına qadar erkek Rusiye Federatsiyası Silâlı quvetleriniñ arbiy tehnikası ve şahsiy erkânınıñ bulunğan yeri aqqında malümatnı videoğa çıqarıp, bere edi.
Bundan da ğayrı, daa evel erkek, patlayıcı maddeler ve cihazlarnı qanunsız satın aluv, taşuv ve saqlavı içün altı yıl apis cezasına mahküm etilgen edi.
Neticede Aqyar sakini Rusiye mahkemesi tarafından devlet hainliginde qabaatlı tanıldı ve bir yıl azatlıqtan marum etüv ve 400 biñ ruble para cezasınen sert rejimli tüzetüv koloniyasında 14 yılğa azatlıqtan marum etilüv cezasına mahküm etildi.
Muarririyet mahkümniñ şahsiyetini tasdıqlap olamay. Onıñ açıq izaatları da yoq.
Ukrayinağa tam miqyaslı istilâdan soñ Rusiyede ve işğal etilgen topraqlarda cenkke qarşı çıqqanlar kütleviy surette taqip etile. 2023 senesi Rusiye Federatsiyasında eñ az 98 insan devletke hainlik, 31 kişi casuslıq, 19 kişi ecnebiylernen işbirlik aqqında cinaiy davalarnıñ mabüsleri oldı. Mahkemelerge eñ azından 88 dava keldi, ve olardan 50-si boyunca qabaatlav qararı çıqarıldı, dep bildire Sibir.Aqiqat.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.