Devlet Rus müzeyi Sankt-Peterburgda Arhip Kuinciniñ qırsızlanğan “Ay-Petri. Qırım” resminiñ restavratsiyasını yapacaq ola. Bu aqta müzeyniñ matbuat hızmeti haberinden yaza “İnterfaks”.
Amma aynı zamanda, qırsızlanğanından soñ Moskova vilâyetinde tapılğan, resimge zarar ketirildimi, yoqmı - bildirilmey.
Yanvar 27-sinde Moskovada Tretyakov galereyasından ressam Arhip Kuinciniñ resmi qırsızlandı. Aqay müzey hadimi sıfatında resimni çerçivede çıqarıp, yoq oldı. Ertesi künu onı yaqaladılar, amma o qabaatsız olğanını iddia ete. Onıñ adı Denis Çuprikov, o Qırımda Kefede doğdı. Soñki vaqıtları Odintsov rayonınıñ Zareçye köyünde yaşadı, o yerde de yaqalandı. Resimni de anda taptılar.
Yanvar 29-ında Moskovanıñ Tagan mahkemesi Çuprikovnı tevfiq etti.
Ressam Arhip Kuinci 1842 senesi Mariupol yanındaki Qarasuv köyünde doğdı.
Tretyakov galereyasında Kuinciniñ sergisi yanvar 27-sinde, onıñ doğğan kününde açıldı.
