Link açıqlığı

Saatnıñ esas haberi

Rusiye Kyivge ücüm etti, dört insan elâk oldı


Paytahtnıñ bir qaç rayonında raketa parçaları tüşti
Paytahtnıñ bir qaç rayonında raketa parçaları tüşti

Rusiyeniñ Kyivge qarşı darbeleri neticesinde yanvarniñ 18-nde saba dört insan elâk oldı, daa üç kişi yaralandı. Bu aqta Kyiv şeeriniñ arbiy memuriyetiniñ yolbaşçısı Timur Tkaçenko bildirdi.

Elâk olğanlar Şevçenkivskıy rayonında yaşay edi. Kyiv şeer yolbaşçısı Vitaliy Klıçko da mesken olmağan bina ve mesken ev darbege oğrağanını bildirgedi. Bundan ğayrı, suv borusı ve Lukyanivska metro stantsiyasınıñ kirişi zarar kördi – stantsiya qapatıldı, trenler toqtamayıp keçe.

Fotoresim ve videolarğa köre, metro yanında maşina yana.

Paytahtnıñ bir qaç rayonında raketa parçaları tüşti.

Ukraina Fevqulâde vaziyetler devlet hızmetiniñ malümatına köre, elâk olğanlardan ğayrı, Kyivde üç yaralanğan bar. Ateş sebebinden üç maşina yandı, daa on maşina zarar kördi. Memuriy bina, iş merkezi ve tükân qısmen yıqıldı.

Zaporijjâ vilâyetinde infrastruktura obyektine qarşı ücüm neticesinde sekiz kişi yaralandı, dep bildirdi region memuriyetiniñ yolbaşçısı İvan Fedorov. Eñ az altısı hastahanege alındı: bir qadınnıñ alı ağır, qalğanlarınıñ alı orta ağır.

"Sanayı obyektlerinden biriniñ memuriy binası qısmen yıqıldı. Mesken evler ve şahsiy naqliyat zarar kördi", – dep qoştı Fedorov.

Bir saat ögüne Ukrayinanıñ merkeziy ve şarqiy regionlarında ava telükesi ilân etildi.

Ukrayina ordusınıñ Ava quvetleriniñ malümatına köre, yanvarniñ 19-na keçer gecesi Rusiye Ukrayinağa 39 uçucısız ve dört "İskander" raketasını attı. Olardan 24 dron ve eki raketa on eki vilâyette urıp tüşürildi, daa 14 uçucısız aqibetsiz coyuldı. Müessise tüşürilgen raketalar Kyivniñ Şevçenkivskıy rayonında tüşti, dep bildirdi.

Rusiye arbiyleri Ukrayina regionlarına çeşit silâlarnen muntazam surette ücüm ete.

Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturalarına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.

Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.

XS
SM
MD
LG