Link açıqlığı

Saatnıñ esas haberi

Rusiye Kyivge qarşı 52 ücüm kerçekleştirdi – Ukrayına akimiyeti


Ukrayına prezidenti Volodımır Zelenskıy ve tüşürilgen İran kamikadze dronları, nümüneviy fotoresim

Rusiye ordusı büyük istilâ başlağanından berli Kiyvge qarşı 52 kere avadan ücüm etti, dep haber ete Kyiv şeeriniñ arbiy memuriyet yolbaşçısı Serğiy Popko.

«Fevralniñ 24-nden berli, büyük istilâ başlağınen, istilâcı şeerni zapt etmek içün elinden kelgenini yaptı. Amma Kyiv dayandı, Ukrayına Silâlı quvetleri ise raşistlerni paytahttan quvdı. Şunıñ içün duşman «avadan genotsid» başlattı ve alâ daa devam ete. Bugünge qadar şeerge 52 kere avadan ücüm etildi. 600 binadan çoq zarar kördi. Kyivniñ kritik infrastrukturası pek viran etildi. Amma yoq etilgenler ğayrıdan tiklemek ve qurmaq mümkün. Ne yazıq ki, arbiy areketler neticesinde paytaht eñ qıymetlisini coya – insan ayatlarını», – dedi Popko.

Onıñ aytqanına köre, fevralniñ 24-nden dekabrniñ 30-na qadar cenk sebebinden 120 Kyiv sakini elâk oldı, şu cümleden beş bala, 495 insan yaralandı, 30-ı – bala.

«Büyük istilâ başlağanınen paytahtta 638 ava telükesi yanğıradı. Telüke devamlığı – 693 saat 49 daqqa. Yani aman-aman 29 kün! Bu yıl bi taqvim ayını şeer sakinleri sığınaq ve bomba sığınaqlarında keçirdi», – dep qayd etti Popko.

O, «Kyiv tura ve turacaq», dep eminliknen ayttı.

Dekabrni 29-nda saba Rusiye Ukrayınağa, hususan Kyivge qarşı daa bir kütleviy darbe endirdi. Ukrayına Silâlı quvetleriniñ malümatına köre, Ukrayına arbiyleri Rusiye uçurğan 70 raketadan 58-ini tüşürdi.

Dekabrniñ 30-na keçer gecesi Rusiye ordusı Ukrayınağa qarşı Shahed-131/136 16 dane dron-kamikadze uçurdı, dep haber etti Ukrayına Silâlı quvetleriniñ komandanlığı. Onıñ malümatına köre, uçucısızlar şimalden ve cenüp-şarqtan uçtı, umumen 16 dron yoq etildi. Kyivde 5 Rusiye uçucısızı qayd etildi, Kyiv şeeriniñ arbiy memuriyeti.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG