Rusiyede Kursk vilâyetiniñ valisi Roman Starovoyt ava mudafaa quvetleri eki uçucısıznı urıp tüşürdi, dep bildirdi.
«Saat 23:00-lerde ava mudafaa quvetleri Kurskqa uçqan eki Ukrayına uçucısız cihazını urıp tüşürdi», – dep yazdı o, Telegram kanalında.
Ukrayına tarafı bu malümatnı izaatlamadı.
Bir kün evelsi Moskva şeer yolbaşçısı Sergey Sobânin de tüşürilgen eki uçucısız aqqında bildirdi. Vnukovo ve Domodedovo ava limanlarında uçaqlarnıñ çıqışı ve kirişi sıñırlanğan edi. Ava limanlarınıñ tablolarına ve Flightradar24 hızmetiniñ malümatına köre, umumen bir qaç on uçaq seferi keç qaldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
