Rusiye arbiyleri sentâbrniñ 20-nde gece Ukrayınanıñ Poltava vilâyetine ücüm etti, dep bildirdi arbiy memuriyet reisi Dmıtro Lunin.
«Ne yazıq ki, Kremençugda cermay qayta işletken zavodqa ücüm etildi. Bütün hızmetler çalışa. Zavod işi vaqtınca toqtatılğan. Yaralanğanlar yoq, dep haber etildi», – dep qayd etti memur.
Ukrayına Silâlı quvetleriniñ Baş ştabı bildirgenine köre, sentâbrniñ 20-nde Rusiye quvetleri Ukrayınağa 24 dane Shahed-136/131 çeşitli kamikadze dronlarınen ücüm etti, 17-si ava mudafaa quvetleri tarafından yoq etildi.
Bir sıra delil ve şaatlıqqa baqmadan, Moskva büyük istilâ başlağanından berli vatandaşlarğa ücüm etkenini inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
