Rusiye telgraf kanalları yerli sakinlerge atıf etip, qara qış ayınıñ 26-na keçken gecesi Rusiyeniñ Krasnodar ülkesindeki Slavânsk-na-Kubani şeerindeki cermay zavodına ücüm etilgenini bildire.
Bölgeniñ operativ ştabı, pilotsız uçqan cihaz parçaları Slavânsk-na-Kubaniniñ eki müessisesiniñ territoriyasına tüşkenini tasdıqladı, neticede bir insan zarar kördi.
Beyanatqa köre, müessiselerniñ territoriyasında yanğınlar yüz berdi. Operativ ştabta bu şirketler aqqında bir şey aytmadılar.
Rusiye Mudafaa nazirligi bildirdi ki, gece 40 Ukrayin uçucısız uçaqnı yaqaladılar, şu cümleden 34 uçaq Krasnodar ülkesiniñ üzerinde uçqan.
Ukrayina tarafı vaziyetni izaatlamadı.
Rusiyeniñ keñ kölemli basuvı başlanğan soñ, Rusiye Federatsiyasınıñ çeşit obyektleri ava ücümlerine oğray. 2024 ve 2025 seneleri ücümlerniñ maqsadı sıq-sıq cermay zavodları ola.
