Müessiseniñ malümatına köre, darbe neticesinde tahminen biñ kvadrat metr meydanlığında yanğın çıqtı. Saat 14:00-ğa qadar 45 insan zarar kördi: 10 kişi elâk oldı, daa 35 yaralandı.
"Rusiyeliler şeerge namlu artileriyasından ateş açtılar, supermarketke urdılar. Bu insanlar toplaşqan yerge daa bir darbe, rusiyelilerniñ daa bir terror areketi", — dep yazdı vilâyetniñ ukrayin memuriyetiniñ yolbaşçısı Vadim Filaşkin telegram kanalına.
Avgustnıñ 8-nde saba Rusiye ordusı Konstantinovkağa da ücüm etip şahsiy sektorğa urdı. Yerli akimiyetniñ malümatına köre, eki vatandaş elâk oldı.
Rusiye arbiyleri çeşit silâlarnen muntazam sürette ukrayin regionlarına ücüm ete. Delillerge ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
