Rusiye Naqliyat Nazirligi Keriç boğazından yürüşni dört künge, dekabrniñ 21-24-ne qapattı. Bunı "Cetel işleri maydanı" közetüv şuraşınıñ başı, Black Sea News ukrain haber agentliginiñ baş muarriri Andrey Klimenko Facebookta haber etti.
"2019 senesi dekabr 20-sinde Rusiye Naqliyat Nazirligi Keriç boğazında yürüşni dört künge - 2019 senesi dekabrniñ 21-inden 24-üne qadar - qapattı", - yazdı o.
Klimenkoğa köre, rusiye nazirligi, Rusiye prezidenti Vladimir Putinnıñ demiryol açılışına ziyaretinden sebep Keriç boğazını qapattı.
"Ne içün? Çünki 23-ünde parovoznen Rusiye prezidentiniñ özü kelecek, 24-ünde ise - ilk poyez", - qay etti Klimenko.
Пресс-служба Министерства транспорта России в пятницу, 29 декабря рекомендовала судовладельцам не выходить в акваторию Керченского пролива.
Rusiye Naqliyat Nazirliginiñ matbuat hızmeti cuma künü, dekabr 29-ında gemilerge Keriç boğazınıñ suvlarına çıqmağa tevsiye etti.
Rusiye Naqliyat Nazirligi, Keriç köpründe tehnologik işlerniñ yapılmasından sebep, 2019 senesi dekarniñ 18-inden 25-ine qadar naqliyat yürüşi sıñırlana bile, dep ihtar etken edi.
«Grand Servis Ekspress» naqliyat şirketi noyabrniñ 8-nde saba Keriç köprüden ketecek Qırımnıñ yolcu trenlerine bilet satmağa başladı.
Daa evel haber etilgeni kibi, Rusiye prezidenti Vladimir Putin, Keriç köpründe poyezdlerniñ yürüşi açılmasında iştirak ete bile. Bunı jurnalistlerge Putinniñ matbuat kâtibi Dmitriy Peskov haber etti.
