Rusiye ordusı iyünniñ 2-ne keçer gecesi qanatlı raketa ve uçucısızlarnı qullanıp, Kyivge daa bir darbe endirdi, ilk malümatqa köre, Ukrayına ava mudafaa quvetleri Ukrayına paytahtında ve şeer civarında 30 cihaznı tüşürdi, dep bildirdi Kyiv şeeriniñ arbiy memuriyeti.
«Soñki altı künde raşistler şeerge endi 6-ncı darbe endirdi! Er seferinde duşman silâ deñiştirdi. Ballistik raketalardan soñ bu sefer raketa farqlı endi – aynı vaqıtta dron ve qanatlı raketalar. Kaspiya rayonından Tu-95MS strategik bombardımanlarından raketalar atıldı, büyük ihtimalnen – X-101/555 qanatlı raketalarınen. Kyivniñ çeşit yönelişlerinde uçucısızlar ücüm etti, ilk malümatqa köre – Shahed», – dep bildirdi Kyiv şeeriniñ arbiy memuriyet yolbaşçısı.
Ukrayına Silâlı quvetleriniñ Baş ştabı bildirgenine köre, Rusiye, ilk malümatqa köre, iyünniñ 2-ne keçer gecesi Kyivge ücüm etmek içün 15 qanatlı raketa ve 18 uçucısıznı qullanacaq.
«İlk malümat. Bu gece duşman darbeler içün 15 qanatlı raketa (çeşiti teşkerile) ve 18 İran Shahed uçucısızını qullandı – episi imayecilerimiz tarafından yoq etildi. Malümat teşkerile», – dep aytıla Ukrayına Silâlı quvetleriniñ Baş ştabınıñ saba malümatında.
Rusiye ordusı mayısnıñ başından berli Ukrayınağa, hususan Kyivge qarşı darbelerini faalleştirip, raketa ve uçucısızlarnı qullana. İyunniñ 1-ne keçer gecesi Rusiye Kyivge ve Kyiv vilâyetine daa bir kütleviy darbe endirdi. Ukrayına Silâlı quvetleriniñ ava quvetleri Ukrayına ava mudafaasınıñ ordusı Rusiyeniñ 10 «İskander» raketasını tüşürdi.
Kyiv şeeriniñ arbiy memuriyeti malümatına köre, Kyivde raketa parçalarınıñ tüşmesi neticesinde iyunniñ 1-nde üç insan elâk oldı, bir bala, daa 11 kişi yaralandı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
