Başta yanğınlar ve acele hızmetlerniñ çağıruvları aqqında Goloseyevo, Podol, Svâatoşın ve Obolon rayonlarında belli edi.
Soñra şeer yolbaşçısı Obolon rayonında elâk olğan ve zarar körgenler aqqında bildirdi:
"Obolon rayonında bir kişi elâk oldı. Üç yaralanğan kişi endi bar, ekisini ekimler hastahanege alıp ketti, birine ise anda yardım etildi".
Kliçkonıñ qayd etkenine köre, zarar körgenler arasında — doquz yaşındaki qızçıq, o, hastahanege alındı. Aynı vaqıtta Ukrayina Fevqulâde vaziyetler boyunca devlet hızmeti bir elâk olğan ve bir yaralanğan aqqında bildire.
Obolon rayonında yedinci qattan başlap birinci qatqa qadar ofis binasında yanğın çıqtı, dep bildire Kıyiv şeer arbiy memuriyeti. Goloseyevo rayonında anbar yanmaqta.
Ücümden evel Ukrayina Ava quvetleri şimaliy-şarqtan ballistika telükesi aqqında tenbiledi.
Rusiye arbiyleri Ukrayina regionlarına çeşit silâlarnen muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, vatandaş ealisini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
