Link açıqlığı

Rusiye jurnalistleri ukrain halqından yalan içün afu soradı


«Zvezda» Rusiye mudafaa nazirligi telekanalınıñ jurnalistleri Ukraina şarqında olayatqan adiseler aqqında malümatnı doğru aydınlatıp bermegenini tanıdılar.

«5 kanal» Yevgeniy Davıdov ve Nikita Konaşenkovnıñ arizalarını aşkâr etti. Olar Ukraina halqından Rusiye matbuat vastalarında olğan yalan içün afu soradılar.

Davıdov ve Konaşenkov olarnıñ Slavânsk ve Kramatorskta çalışqan vaqıttа bergen malümatları doğru olmağanını tanıdılar.

Azır metnlerni olarğa Moskvada yerleşken muarririyetten yollay ediler. Olar Slavânskta fosfor bombalarnıñ ve ukrain ordusı tarafından ealige qarşı «Grad» tertibatınıñ qullanuvı aqqında malümatnı tarqatа ediler.

Bundan da ğayrı jurnalist: «Çıqaruv mevzularını maña Moskvadan telekanalnıñ yolbaşçılığı bere edi. Şu cümleden, fosfor bombaları aqqında da, özüm şahsen olarnı körmedim. Rusiye telekanalları köstergen adiseler aqiqaten olıp keçken vaqialar ile bir olmağanını çoqtan qayd ettim. Bu sebepten Ukraina halqından afu soraymız».
XS
SM
MD
LG