Rusiye jurnalisti Vladimir Pozner “Mirotvorets” ukrain saytınıñ bazasına kirsetildi.
Saytnıñ “Çistilişçe” bölüginde bildirilgenine köre, Pozner, “Rusiye işğalcileri zapt etken Qırımğa kirmek içün Ukraina sıñırlarını aselet bozdı”, dep yazılğan.
Mında, Pozner “Rusiyeniñ Ukrainağa qarşı propaganda tedbirlerinde” ve Qırım ilhaqınıñ qanuniyleştirüvi ıntıluvlarındaiştirak etti, dep de yazılğan.
Soyadı “Mirotvorets”ke tüşkeni aqqında Pozner özüniñ tefsirleri daa yoq.
Daa evel, Ukraina İİN, başqa memleket vatandaşlarına ve vatandaşlıqsız adamlarğa ilhaq etilgen Qırımğa ziyeretlerden vazgeçmege muracaat etti.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
Halqara teşkilâtlar Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
