Rusiye İç işler nazirligi qırımlı Ukrayına yırcısı Jamalanı (Susana Camaladinova) qıdıruvğa ilân etti, dep haber ete«Mediazona».
Neşirniñ malümatına köre, qırımtatar yırcısı 2023 senesi oktâbr ayında Rusiye ordusı aqqında «sahte malümat» tarqatqanı qabaatınen qıdıruvğa ilân etildi.
2016 senesi Jamala «Eurovision» yarışında Ukrayınanı temsil etip, qırımtatar sürgünligi aqqında yırladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
