Link açıqlığı

Saatnıñ esas haberi

Rusiye istilâsından vefat etken balalarnıñ sayısı 200-ge yetti – Ukraina Baş prokurorınıñ ofisi


Aprelniñ 15-nde prokurorlar Rusiye istilâsı neticesinde ölgen daa eki balanı qayd etti, dep bildire Ukraina Baş prokurorınıñ ofisi aprelniñ 16-nda.

«2022 senesi fevralniñ 24-nden başlap 560 bala Ukrainada Rusiye Federatsiyasınıñ büyük silâlı ücümi neticesinde zarar kördi. Prokurorlarnıñ resmiy malümatına köre, 200 bala vefat etti ve 360-tan çoq yaralandı. Bu raqamlar tam degil, çünki faal cenk areketleri, vaqtınca işğal etilgen topraqlar ve azat etilgen topraqlarda iş devam ete», – dep bildire müessise.

Prokurorlarnıñ malümatına köre, eñ çoq zarar körgenler:

  • Donetsk vilâyeti – 117
  • Kyiv vilâyeti – 105
  • Harkiv vilâyeti – 88
  • Çerniğiv vilâyeti – 54
  • Mıkolayıv vilâyeti – 40
  • Herson vilâyeti – 41
  • Lugansk vilâyeti – 36
  • Zaporijjâ vilâyeti – 23
  • Kyivde – 16
  • Sumıda – 16
  • Jitomir – 15

«Aprelniñ 15-nde Rusiye arbiyleri Harkiv rayonlarından birine ateş açtı. Atış neticesinde 5 bala zarar kördi, ekisi öldi, olarnıñ arasında 7 aylıq bala bar. Aprelniñ 14-nde Herson vilâyetindeki Novovorontsovka şeer çeşitli qasabasınınıñ civarında kassetalı snarâdnıñ detonatsiyası neticesinde 15 yaşında oğlan yaralandı», – dep aytıla haberde.

Baş prokurornıñ ofisi malümatına köre, Rusiye ordusınıñ bombardımanı ve ateşi 1018 oquv yurtuna zarar ketirdi, 95-i tamamen viran etildi.

Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net​. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG