Ukrayına medeniyet ve informatsion siyaset nazirligi Rusiyeniñ Ukrayınağa qarşı büyük istilâsı neticesinde yıqılğan ya da zarar körgen 1900-den çoq çoq medeniy infrastruktura obyekti qayd etildi, dep haber ete müessiseniñ matbuat hızmeti.
«2024 senesi yanvarniñ 25-ne qadar medeniy miras abideleri sayılmayıp, 1938 medeniy infrastruktura obyekti zarar kördi (hususan Medeniyet nazirligine ve diger medeniyet müessiselerine ait medeniyet müessiseleri). 314-ü yoq etildi (16%). Devletke ait medeniyet müessiseleriniñ umumiy zararları: 28 dane (9%); kommunal mulk şekli: 1910 dane», – dep bildire Medeniyet nazirligi.
Medeniyet saasında eñ büyük zararlar Donetsk, Harkiv, Herson, Mıkolayıv, Lugansk, Zaporijjâ, Kyiv vilâyetlerinde ve Kyivde qayd etildi. Eñ çoq klub müessiseleri zarar kördi – umumiy sayıdan 48%.
Ukrayına Medeniyet nazirligi viran etilgen ve zarar körgen obyektlerni böyle tasnif ete:
- klub müessiseleri – 929
- kitaphaneler – 689
- bediy tasil müessiseleri – 154
- müzey ve galereyalar – 113
- teatr, kinoteatr ve filarmoniyalar – 38
- park, ayvanat bağçaları, qoruqlar – 12
- tsirkler – 3
Müessise qayd etkenine köre, Rusiye Lugansk, Zaporijjâ, Donetsk ve Herson vilâyetleriniñ bir qısmını işğal etkeni içün uruş areketlerinden ve işğalden zarar körgen medeniyet obyektlerini sayıp çıqmağa mümkün degil.
2023 senesi noyabr ayına qadar Medeniyet nazirligi Rusiye istilâsından zarar körgen 1700-den çoq medeniy infrastruktura obyekti aqqında bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
