2023 senesiniñ soñunda Aqmescitniñ 2-nci SİZO-sından Rusiyege Ukrayinanıñ işğal etilgen topraqlarında tutuıp esir etilgen 60 ukrayinalı çıqarıldı. Bu aqta "Qırım uquq qoruyıcı gruppası" öz menbalarına atıf etip bildire.
Qırım uquq qoruyıcı gruppasınıñ menbalarınıñ bildirgenine köre, etap etilgenlerge nisbeten er bir etap noqtasında (sıq-sıq SİZO-da) köteklev tarqalğan bir ameliyat qullanıldı'', - dep aytıla haberde.
Qayd etilgenine köre, etapnıñ eñ qıyın yeri Aqmescit ve Rusiyeniñ Krasnodarı arasında, çünki mabüslerni qolaysız avtotransportta "stakanlarda'' alıp keteler. Uquq qoruyıcılarnıñ qayd etkenine köre, bu, yalıñız turıp ketmek mümkün olğan salonnıñ sıq bir qısmıdır.
"Aqmescitten Krasnodarğa qadar yol sekiz saattan ziyade vaqıt ala, ve bütün bu vaqıt devamında insanlar pek qıyın alda turmaq mecburlar, çünki "stakan"ğa mabüsniñ bütün şahsiy eşyaları da qoyula. Pek sıñırlı yer olğanı içün anda oturmaq imkânsız", - dep bildire KPG menbaları.
Bundan evel Qırımtatar resurs merkeziniñ yolbaşçısı Eskender Bariyev, Qırımda 2023 senesi uquq qoruyıcılar 173 yaqalanuv, 65 tintüv, 217 tevqif, 186 sorğu, em de aman-aman 300 adaletli mahkeme aqqı ve 50-den ziyade sağlıq aqqı bozulğanı qayd etilgeninin bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
