Rusiye Mudafaa nazirliginiñ mütehassısları Rusiye Federatsiyasınıñ Ukrayina sıñırındaki Rostov vilâyetini Rusiye ordusı işğal etken Donbas vilâyeti ile bağlağan bir suv ağı sistemasını quralar. Bunı TASS Rusiye devlet malümat agentligi haber etti.
Ögümizdeki bir qaç ay içinde tamamlanması planlaştırılğan leyha künde 300 biñ metr kub suv taşıma qudretine saip olacaq ve 200 kilometrlik eki hattıdan ibaret olacaq.
"Qurucılıqta Rusiye Mudafaa nazirliginiñ 2600-dan ziyade mütehassısı ve biñden çoq tehnikası gece-kündüz çalışa", - dep haber ete TASS.
Donbasta suv teminatı ile bağlı vaziyet pek qıyındır.
Keçken sene Moskva Donetsk ve Lugansk vilâtinlerini öz topraqlarınıñ bir parçası ilân etti. BMT-nıñ bir çoq azası bu areketni qanunsız dep pyıpladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
