Rusiye Ukrayinanıñ işğal etilgen topraqlarında, hususan Qırımda, balalarnı arbiyleştirmege devam ete. Fevralniñ 3-nde Rusiye prezidenti, işğal etilgen topraqlarda tasil saasında "arbiy-vatanperver terbiyesi" teşkilâtlarınıñ rolüni quvetleştirgen fermannı imzaladı, dep yaza QMC prokuraturası.
"Böyle arbiy teşkilâtlar RF ordusında hızmet etüv teşviqatınıñ ayırılmaz bir aleti olğanı sır degil. Olarnıñ maqsadı, yaşları sebebinden bu kibi tedbirlerden vazgeçip olamağan mektep talebeleriniñ dünyabaqışlarını bozmaq. Neticede ukrayin balalarınıñ milliy kimligi yoq etile ve olar öz şahsiyetini Rusiye vatandaşı olaraq, yani onıñ tış duşmanlarından, hususan Ukrayinadan, kelecek "saqlayıcısı" olaraq qabul ete", — dep haber etile.
Prokuratura hatırlattı ki, 2023 senesi iyün ayında "Yunarmiya"nıñ Aqyar bölüginiñ reberi 10 yılğa apis cezasına maküm etildi. Bundan da ğayrı, 2024 senesi dekabr ayında DOSAAF (Qırım Cumhuriyetinde RF ordusına, aviatsiyasına ve flotuna yardım etüv göñülli cemiyeti) Rusiye bölüginiñ yolbaşçısına şübheli olğanı aqqında bildirildi, şimdi ise makeme "Qırım gençleri ordusınıñ" regional ştabınıñ yolbaşçısı ve "Qırım vatanperverlik merkeziniñ" müdirine qarşı qabaatlav aktlarını baqmaqta.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
