Link açıqlığı

Rusiye ile sıñırnıñ bütünley qapatıluvı aqqında aytmağa daa erte, deyler SNBOda


Bugün Rusiye ile sıñırnıñ bütünley qapatıluvı aqqında aytmağa daa erte.

Bunı SNBO Haber merkeziniñ spikeri Volodımır Çepovıy bildire, dep haber ete Azatlıq Radiosı.

«Eger de bütün sıñırnı ordularımız nezaret etse edi, biz bu haberni birinci olıp berir edik, ve bu kerçekten de prezident ilân etken planğa etilgen qaviy bir adım olur edi. Şimdi öyle bir şey yoq», – dedi Çepovıy.

Onıñ sözlerine köre, Rusiye Federatsiyası sıñır yanında arbiy bulunuvını arttırmağa devam ete.

«Gukovo, Novoşahtinsk Rusiye şeerleri, Vasetskiy qasabası yanında Ukraina sıñırında şahsiy erkânnıñ ve zırhlı tehnikanıñ bulunuvı qayd etildi», – dey Çepovıy.

Ukraina Yuqarı Şurasınıñ reisi Oleksandr Turçinov bugün Ukraina-Rusiye sıñırınıñ qapatıluvı aqqında bildirgen edi.
XS
SM
MD
LG