Onıñ aytqanına köre, Ukrayına arbiyi vazifede olğanda can berdi. Qırım işğali sebebinden Meclis reisi elâk olğannıñ kerçek adını aydınlatmay.
Çubarovnıñ bildirgenine köre, «Emir» büyük istilâ başlağanda Kyivde belli halqara şirketlerden birinde çalışa edi.
«Emir qırımtatar gençleriniñ canı edi, bir çoq dostu Ukrayına Silâlı quvetlerinde Ukrayına devletini qoruy, digerleri faal göñülli ola, başqaları devlet bergen vazifelerni yapa... «Emirniñ» adı, Ukrayınanı qorumaq ve Qırımnı azat etmek içün köstergen hızmet ve cesürligi Rusiye varvarlarından azat etilgen Qırımda ebediyleştirilecek ve Ukrayına halqınıñ hatırasında daima qalacaq», – dep ayta Çubarov.
Martnıñ soñunda Rusiye ile cenkte qırımlı Ukrayına arbiyi Valeriy Rodionov elâk oldı, dep haber etilgen edi. 2023 senesi aprel ayında Rodionov polisten Ukrayına Mudafaa nazirligi Baş istihbarat idaresiniñ «Artan» bölügine keçti. Qırımlı martnıñ 15-nde vefat etti.
Bundan evel Çerniğivde Ukrayına Silâlı quvetlerinde cenkleşken qırımlı Sergey Satura defin etildi.
2023 senesi dekabr ayınıñ soñunda Rusiyeniñ büyük istilâsı başlağan ilk künde elâk olğan qırımlı Ukrayına arbiyi Usein Muhtarovnen vedalaşqanlar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
