Harkiv vilâyetinde alğan yaralar neticesinde ukrayınalı arbiy, qırımtatarı Artur Yakubov elâk oldı. Bu aqta Qırım musulmanları diniy idaresi haber ete.
Büyük cenk başlamazdan evel o cami imamı edi, dep aytıla teşkilâtnıñ haberinde.
«Arturnıñ qorantası, dostları ve yaqınlarına teren taziyelerimizni bildiremiz. Qardaşımıznıñ ömür arqadaşı ve üç balası qaldı», – dep aytıla haberde.
Rusiye ile cenkte Ukrayına Silâlı quvetleri 95-inci ayrı desant-ücüm brigadasınıñ bölüklerinden biriniñ komandanı «Emir» tahallüsli qırımtatarı elâk oldı, dep haber etilgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
