Rusiye teczavuzınıñ cinayetleri aqqında dava boyunca Mahsus mahkemeniñ yaratılmasını desteklegen koalitsiyağa daa eki memleket qoşulğan. Bunı Tış işler naziri Dmıtro Kuleba bildirdi.
"Endi 32 memleket Rusiyeniñ yuqarı siyasiy ve arbiy reberligini mesüliyetke çektirmek içün birlikte çalışa. Putin ve onıñ safdaşları mahkemelenecek", - dep yazdı o Twitterde.
Söz angi memleketelr aqqında olğanını Kuleba bildirmedi.
Fevral ayında Kuleba Gvatemala Mahsus mahkemeniñ yaratılmasını desteklegen ilk Latin Amerika memleketi olğanını bildirgen edi.
Yanvarniñ 26-nda Avrpoa Şurası Parlament Assambleyası Rusiyeniñ Ukrayinağa qarşı tecavuzı sebebinden halqara mahkemeniñ yaratılmasını bir ağızdan desteklegen edi.
Rusiye 2022 senesi fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
