İjevskte yerli 88-nci mektepte atış oldı. Udmurtiya başı Aleksandr Breçalov, mektep qaravulı ve bir qaç talebe ölgenini bildirdi. Ücüm etken ise özüni öldürgen. RF İİN regional idaresi 6 adam ölgenini ve 20 yaralanğanını bildire.
Yüz bergen adiseniñ tafsilâtı ve atışnı başlağan kişi kim olğanı belli degil. Malümadir ki, bu, "qara urbada adam" edi. "Baza" telegram kanalı bildirgenine köre, ücüm etken kişi eki Makarov pıştavından ateş açqan. Üstünde natsist timsallerinen futbolka edi. "112" telegram kanalı 10 adam ölgenini, olardan 5 bala olğanını haber ete.
Rusiye mektebinden atış ile bağlı soñki malüma olğan adise 2021 yılınıñ oktâbr ayında Perm civarındaki Sars qasabasında yüz bergen edi. O zaman 12 yaşındaki bala mektepke av tüfeginen kelip, tavan ve divarlarğa bir qaç kere ateş açqan edi. Atış neticesinde iç kimse zarar körmedi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
