Rusiye Qırımtatar Herson regional Meclisiniñ reis muavini Nasrulla Seydaliyevni "ekstremist ve terrorist" cedveline kirsetti. Siyasiy mabüsni cezasını çekmek içün Altay Cumhuriyetine yolladılar, dep bildirdi Qırımtatar Resurs Merkeziniñ idare yolbaşçısı Eskender Bariyev.
Onıñ aytqanına köre, 66 yaşındaki Seydaliyevni qanunsız sürette Minusinskiy apishanesinden Mayma köyündeki 1-inci taqiqat izolâtorına avuştırğanlar.
"Yaqın vaqıtta men Rusiye Federatsiyası bir adamnı "ekstremist ve terroristler" cedveline kirsetkenini ve qanunsız cezanı çekmek içün onı qanunsız sürgün etkenini eşittim. Nasrula ağa Altay Cumhuriyetine yollanğan ilk qırımtatarı oldı", — dep yazdı Bariyev Facebookta.
2022 senesi saban ayınıñ 4-nde Qırımda Noman Çelebicihan batalyonında iştirak etüv davası boyunca Nasrullah Seydaliyevni tuttqan ediler. Boş aynıñ 30-nda Rusiye mahkemesi onı 9 yıl apic cezasına mahküm etti.
