Rusiye ordusı Herson vilâyetine ateş açtı, sekiz insan yaralandı, dep bildirdi Ukrayına prezidenti ofisiniñ yolbaşçı muavini Kırılo Tımoşenko Telegram kanalında.
Onıñ aytqanına köre, bir künde Rusiye arbiyleri vilâyetke 68 kere ateş açtı, ateşler mayın atıcı, tank, top ve toplu ateş raketa sistemalarından açıldı. Snarâdlar mesken kvartal, şahsiy ve çoq daireli evlerge tüşti.
Herson vilâyetiniñ memuriyet yolbaşçısı Yaroslav Yanuşeviç bildirgenine köre, Rusiye ordusı Hersondaki tibbiy müessisege ateş açtı, snarâdlar bala bölügi ve morgğa zarar ketirdi. Kimse zarar körmedi.
Rusiye Ukrayına şeerlerine ateş açmağa devam ete. Dekabrniñ 5-nde Rusiye ordusı kene kütleviy darbe endirdi. The New York Times Britariya talilcileriniñ malümatına esaslanıp, Rusiye ğarbiy sanktsiyalar kirsetilgen soñ yañı qanatlı raketlarnı qullana.
Ukrayına arbiy istihbaratınıñ yolbaşçısı Kırılo Budanovnıñ fikirince, Rusiyeniñ yedek raketaları bite, tahminen bir qaç kütleviy darbege yetecektir. Budanovnıñ aytqanına köre, Rusiye raketalarnı işlep çıqarmağa devam ete, lâkin olarnıñ sayısı Moskva qullanğan eski yedeklernen qıyaslanmaz.
Tegeran Moskvağa silâ berilüvini arttırmağa planlaştıra, dep yaza DPA BMdeki diplomatlarğa esaslanıp. Olarnıñ malümatına köre, Rusiye İran ile Rusiye Silâlı quvetlerine yüzlernen kamikadze-dronı ve ballistik raketalarnıñ ketirilüvi aqqında añlaşalar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
