Rusiye ordusı mayısnıñ 25-nde kündüz şeerniñ mesken rayonlarından birine ava bombasını attı, dep haber ete yerli akimiyet.
Harkiv şeer yolbaşçısı İgor Terehovnıñ Telegram kanalında yazğanına köre, darbeniñ nişanı qurucılıq malzemeleri tükânı oldı. Onıñ aytqanına köre, elâk olğan eñ az eki kişi aqqında belli.
Rusiye arbiyleri Ukrayına regionlarına çeşit silâdan muntazam surette ücüm ete. Harkiv vilâyetiniñ şimalinde Rusiye ücümi sebebinden Ukrayına prezidenti Volodımır Zelenskıy Harkivni Rusiye ücümlerinden imaye etmek içün bir qaç qoşma Patriot ava mudafaa sisteması kerek, dep bildirdi.
Delillerge baqmadan, Moskva, büyük istilâ başlağanından berli, Ukrayina vatandaşları ve infrastrukturağa nisbeten maqsatlı ücüm olğanını red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
