Finlandiya ükümeti Rusiye gemisiniñ territorial suvlarını bozğanını bildirdi. Berilgen malümatqa köre, adise cuma künü, iyül 26-da, Fin körfeziniñ şarqiy qısmında oldı, dep yaza Reuters agentligi.
Sıñır gemisi Rusiye gemisini Finlândiya territorial suvlarından alıp ketti. Vaqia tahminen yedi daqqa devam etti.
Sıñır bekçileri bu vaqianı ögrene ve taqiqat ilerlegende qoşma malümat berecek, dep bildirdi memleketniñ Mudafaa nazirligi.
Helsingin Sanomat fin gazeti, sıñır hızmetiniñ baş tahqiqatçısı Petter Staufferniñ aytqanına köre, bozuv Baltiya flotunıñ terkibine kirgen ve deñiz tübüni teşkermek içün ayırılğan Rusiye gemisi tarafından yapıldı.
Keçken ay Finlândiya, iyünniñ 10-nda dört Rusiye arbiy uçağı onıñ ava boşluğını bozğanını bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
