Berilgen malümatqa köre, mayısnıñ 14-ne keçken gecesi Rusiye quvetleri Çauda burnundan 18 "Şahed-131/136" tipindeki UAV ve işğal etilgen Qırımdan bir "İskander-M" ballistik raketa ile ücüm etti.
Ukrayina Arbiy-deñiz quvetleriniñ ava quvetleri bildirgenine köre, uçucısız uçaqlar Kıyiv, Donetsk, Dnipropetrovsk, Çerkası, Kirovoğrad, Zaporojjâ, Herson, Hmelnıtsk vilâyetlerinde urıp tüşürildi.
Rusiye arbiyleri çeşit silâ çeşitleri — dronlar, raketa, KAB, RZSO ile muntazam sürette ukrayin regionlarına ücüm ete. Delillerge ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümni red ete.
Ukrayinada insan aqlarından BMT monitoring missiyası, Rusiyeniñ tam miqyaslı istilâsı başlağanından berli Ukrayinada 10 810 vatandaşnıñ elâk olğanı, 20 556 yaralanğanı aqqında malümatnı tasdıqladı. Teşkilât, elâk olğanlarnıñ sayısı daa çoq olğanını tahmin ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
