Rusiye arbiyleri iyünniñ 24-ne keçer gecesi Ukrayinağa 97 Shahed darbe uçucısızı ve çeşit taqlit uçucısızlarnen ücüm etti, bir qısmı işğal etilgen Qırımnıñ Çavda burnundan uçurıldı, dep haber ete Ukrayina Silâlı quvetleriniñ Ava küçleri.
«Saat 08:00-ge qadar ava mudafaası duşmannıñ 78 Shahed (diger uçucısızlar) memleketniñ şarqı, cenübi ve şimalinde yoq etildi. 63-ü ateş ücüm vastalarınen tüşürildi, 15-i coyuldı/radioelektron küreş vastalarınen bastırıldı», – dep aytıla haberde.
Ukrayina arbiyleriniñ malümatına köre, Rusiye darbe dronları altı yerde ücüm etti.
Sumı vilâyetiniñ akimiyeti Sumı rayonında iyünniñ 24-ne keçer gecesi Rusiye darbesi neticesinde elâk olğan üç kişi ve altı yaralanğan kişi aqqında bildirdi.
Harkivde Rusiye ücümleri sebebinden gece üç insan yaralandı, dep bildirdi şeer yolbaşçısı İgor Terehov.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, tınç ealini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
