Rusiye gümrükhanesiniñ hadimleri, Qırımnen Herson vilâyeti arasındaki memuriy sıñırda "Perekop" ("Çaplınka") kiriş-çıqış noqtasında eki künge teçhizat qoyacaqlarını bildire. Bundan sebep, mahsulatnıñ keçirüv qaideleri vaqtınca deñişecek, Cenübiy gümrükhane idaresine atıf etip bildire "Krıminform" matbuatı.
"Krasnoperekopsk gümrükhane postunıñ "Perekop" eki taraflı avtomobil kiriş-çıqış noqtasında gümrükhane organlarınıñ server donatmasınıñ tehnikiy teşkerüvi sebebinden, 2019 senesi noyabr 26 ve 27-sinde saat 10:00-dan saat 16:00-ğace, bu donatmanı toqtatıp, teşkerüv işleri keçirilecek", - dediler müessisede.
Bildirile ki, bu kiriş-çıqış noqtasında "mahsulat, şahsiy naqliyat, halqara taşımalarını becergen naqliyatnnen" bağlı gümrük operatsiyaları keçirilmeycek.
Şahsiy qullanuv içün mahsulatnıñ keçirilmesi sade rejimde yapılacaq, dep qoştılar müessisede.
