Link açıqlığı

Saatnıñ esas haberi

Rusiye göñüllileri ukrain deñizcilerge SİZOğa aşayt mallarınen 24 çanta ketirdi (+süret)


Ukraina deñizcilerine yollanılacaq çantalar Moskovadaki Lefortovo SİZOsı yanında

Rusiye göñüllileri Moskovanıñ Lefortovo SİZOsına erzaq mallarınen 24 çanta ketirdi. Bu aqta Qırım.Aqiqatqa Rusiye cemaat faali Konstantin Kotov haber etti.

Ukrain deñizcilerge yollanılacaq çantalar
Ukrain deñizcilerge yollanılacaq çantalar

Tünevin, yollanmalarnı toplağan Rusiye jurnalisti Viktoriya İvleva, bu sefer deñizcilerge azıq malları yiberilecegini Facebookta yazdı.

Noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı.

Rusiye FSBsi Ukraina gemilerine qarşı silâ qullanğanını tasdıqladı, mında berilgen malümatqa köre, üç Ukraina cenk gemisi noyabrniñ 25-nde «Rusiye devlet sıñırından qanunsız keçti».

Хронология кризиса в море (видео)
Bekleñiz, lütfen

No media source currently available

0:00 0:02:03 0:00

Aqmescit ve Keriç mahkemeleri 24 Ukraina deñizcisini apiske aldı. Olar 2019 senesi yanvarniñ 25-ne qadar apiste qalacaqlar. Ukraina deñizcileri 6 yılğa azatlıqtan marum qala bile. Qırım yalısında zapt etilgen Ukraina deñizcileri noyabrniñ 27-nde Rusiye Ceza kodeksiniñ 322-nci maddesiniñ 3-ünci qısmına istinaden (sıñırdan qanunsız keçiş) qabaatlandı. Esir alınğan Ukraina askerleri Moskvağa avuştırıldı.

Qırım Muhtar Cumhuriyetiniñ prokuraturası Rusiye FSBsi tarafından zapt etilgen ukrain deñiz askerlerini cenk esiri dep tanıdı.

Rusiyeniñ Keriç boğazında yapqanlarını bir sıra Avropa memleketi ve ABD tenqit eteler. NATO, vaziyetni ve Keriç boğazındaki adiselerni diqqatnen közetkenini bildirip, ağır-sabırlı olmağa ve vaziyetniñ daa beterine yol açmamağa çağırdı.

XS
SM
MD
LG