Rusiye FSBsi Qırım köpründe patlavnı teşkil etken insannı taptı, dep bildire: Rusiye müessisesiniñ malümatına köre, bu kişi Ukrayına arbiy istihbaratınıñ yolbaşçısı Kırılo Budanov ola.
FSB, «terakt azırlavında iştirak etken» daa 12 insannı taptı, sekizi tutuldı, dep bildire. «Al-azırda cinaiy dava çerçivesinde cinayetni azırlağan beş Rusiye vatandaşı, üç Ukrayına ve Ermenistan vatandaşı tutuldı», – dep aytıla FSB haberinde.
Müessise malümatına köre, patlayıcı cihaz 22 tonnadan çoq 22 palletada çıtada saqlanğan edi. Avgustnıñ başında patlayıcı Odesa limanından Bulğaristan, Gürcistan ve Ermenistandan yollanıldı, dep bildirdi FSB.
Oktâbrniñ 8-nde saba Qırım köpründe patlav oldı. Rusiye tahqiqatçılarınıñ versiyasına köre, yük maşinası patladı. Neticede eki maşina yolu zarar kördi, patlav sebebinden ya da aynı vaqıtta köpürniñ tren yolundan ketken yük treni yanıp başladı.
Rusiye prezidenti Vladimir Putin bu patlavnı «terakt» dep adlandırdı, onıñ icracıları ve sımarış etkenler Ukrayına mahsus hızmetleri ola. Rusiye Tahqiqat komiteti Rusiye Ceza kodeksiniñ 205-inci maddesine («Terrorizm») istinaden cinaiy dava açtı.
Ukrayına resmiy şahısları izaat bermey. Prezident ofisiniñ yolbaşçısı Mıhaylo Podolâk «Putinniñ şahsiy leyhasını» patlatuv – rusiyelilerniñ işi ve arbiy reberlikniñ FSBge qarşı ücümi ola, dep ayttı.
The New York Times gazetası «Ukrayınska pravda», UNIAN ve Washington Posttan soñ Ukrayına memurınıñ malümatına esaslanıp bildirgenine köre, ücümni Ukrayına mahsus hızmetleri teşkil etti. Olarnıñ versiyası – yük maşinasını patlatuvdır.
Resmiy şekilde köpürdeki patlav içün kimse mesüliyetini tanımadı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
