Rusiye FSBsi, “Armânsk” kiriş-çıqış noqtasında Qırımğa başqa adamnıñ soyadına berilgen pasportnen kirmege istegen Ukraina vatandaşını tutıp aldılar, dep bildire. Bu aqta müessiseniñ matbuat hızmeti haber etti, dep yaza “Krıminform”.
Rusiye quvetçilerge köre, Ukraina vatandaşı “vesiqalarını mahsus deñiştirgen, çünki onıñ Rusiye kirmek yasağı bar edi”.
Aqayğa qarşı cinaiy dava açıldı, oña 4 yılğa qadar tevqif müddetini bere bileler. Bildirile ki, tutulğan adam çıqmamazlıq vesiqasını imzaladı.
FSB tutulıp alınğan ukrainniñ adını bildirmey. Onıñ da bu aqta tefsirleri yoq.
