FSB ve Qırımda Rusiye sıñır idaresiniñ hadimleri, Rusiyede yasaqlanğan “Hizb ut-Tahrir” teşkilatınıñ azası olğanında şeklengen qırımlını tutıp alğanlaını bildire. Bu aqta müessise matbuat hızmetine esaslanıp “Krıminform” saytı yazmaqta. Aqay, aprelniñ 17-sinde Qırım ve qıta Ukraina arasındaki memuriy sıñırnı keçecekte, “Armânsk” kiriş-çıqış noqtasında tutulğan.
“Aprelniñ 17-sinde Rusiye FSBsiniñ Qırım idaresi ve Qırımda Rusiye sıñır idaresi hadimleri, Rusiye-Ukraina sıñrınıñ “Armânsk” keçitinde Aqmescit şeeriniñ Bavurçı qasabasınıñ sakinini tutıp aldı. O, “Hizb ut-Tahrir al-İslâmi” halqara terrorcı teşkilâtınıñ faaliyetinde iştirak etkeninde şeklene”, - denile beyanatta.
Raim Ayvazov 205.5 maddesiniñ 2-nci qısmına (terrorist tanılğan teşkilâtnıñ faaliyetinde iştirak etüv) istinaden qabaatlanğanını ve «Aqmescitteki ekinci Hizb ut-Tahrir davasınıñ» erkânına qoşulğanını qız qardaşına telefonda haber etti.
Проводятся оперативно-следственные мероприятия. Решается вопрос об избрании меры пресечения. Имени задержанного в ведомстве не назвали.
Bavurçı (Kamenka) qasabasınıñ sakini, qırımtatar faali Raim Ayvazov gece esas Ukrainanıñ memuriy sıñırından keçkende ğayıp oldı. Soñki sefer gece saat 3-te apayınen bağğa çıqqan edi.
«Qırım birdemliginiñ» malümatına köre, Raim Ayvazov Qırımda apiske alınğan qırımtatar faallerine Rostov-na-Donuğa aş ve urba yollamaqnen oğraşa edi.
Martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi.
Remzi Bekirov, Riza İzetov, Ruslan Suleymanov, Farid Bazarov ve Şaban UmerovRusiye Ceza kodeksiniñ 205.5 maddesiniñ 1-inci qısmına (terror gruppasınıñ faaliyetini teşkil etüv) istinaden qabaatlana. Qalğanları terror teşkilâtınıñ faaliyetinde (Rusiye Ceza kodeksiniñ 205.5 maddesiniñ 2-nci qısmı) iştirak etkeninden şübheli sayıla.
Martnıñ 29-nda Qırımnıñ Rusiye ombudsmeni Lüdmila Lubina Qırım.Aqiqatqa bildirgenine köre, Qırımda tevqif etilgen 23 qırımtatar faalini Rusiyege alıp ketkenler.
