Ruisye zapt etken Aqyarda sahte vesiqalarnı satqan adamnıñ faaliyetini toqtattılar, dep, ilhaq etilgen Qırım ve Aqyarda Rusiye FSB-siniñ idaresininiñ matbuat hızmetine esaslanıp, bildire "Krıminform" matbuatı .
Müessise, Sverdlovsk sakini Aqyarda sahte vesiqalarnı yapqan şirket açtı, dep bildire. Matbuat hızmetine köre, şübelengen 2016 senesinden berli, Rusiye, SNG memleketleri ve sabıq SSSR müessiseleriniñ vesiqalarını yapa edi. O, bir yasaqlanğan sayttan blanklarnı satın alıp, üstlerinde özü yapqan müür ve ştamplarnen vesiqa bastıra edi.
"Krıminform" derc etken videoda, aliy tasil diplomları, rusiyeli orta tasil attestatları, ukrain mütehassıs ve bakalavr diplomları körüne.
"Sverdlovsk sakini sahte vesiqalarnı bütün Rusiyede gizlenip sata edi: vesiqalarnı poçtanen yollay edi, ödevni ise elektron kiselerge ya da bank kartalarına ala edi", - denile beyanatta.
Rusiye İİN-niñ Aqyar idaresi, aqayğa qarşı Rusiye CK-niñ 327 maddesiniñ 1-ince qısmına binaen dava açtı. Bu maddege köre eki yılğa qadar apis müddeti berile bile.
