Eki ukrain deñizciniñ iyül 25-inde doğğan künü, dep bildirdi Facebookta advokat Nikolay Plozov.
"Nikopol" gemisiniñ üyken matrosı Vyaçeslav Zinçenko 21 yaşını toldurdı, "Berdânsk" gemisiniñ komandiri Roman Mokrâk ise - 33 yaşını.
"Cenk esiri olğan ukrain deñizcilerniñ mudafaa taqımı, Vyaçeslav Zinçenko ve Roman Mokrâknı can-yürekten hayırlay! Bizim qaraman deñizcilerimizge yaqın vaqıtta evge, tuvğanlarına qaytmaqnı tilleymiz!", - dep yazdı Polozov.
İyül 24-ünde, çarşenbe künü, ilhaq etilgen Qırımnıñ yalısı yanında Rusiye tarafından zapt etilgen Volodımır Tereşçenko ve Serğiy Tsıbizov ukrain deñizcilerniñ doğğan künü. Uyken matros Tereşçenko 25 yaşını toldurdı, matros Tsıbizov ise - 22 yaşını.
Moskova mahkemesi iyül 17-sinde bütün ukrain deñizcilerniñ apis müddetini uzattı.
