Rusiye flotu Ukrayinada arbiy areketlerniñ ketişatına artıq tesir etip olamay, dep bildirdi Ukraina Arbiy-deñiz quvetleriniñ spikeri Dmıtro Pletentçuk.
"Bu sualge istihbarat zenaatdaşları daa ihtisasiy şekilde cevap bere bile. Qayd ete bilem ki, azırlıq derecesi ve birliklerniñ sayısı ne qadar olsa da, teatrimizdeki arbiy areketlerniñ ketişatına tesir etmek mümkün degil", — dep qayd etti o ukrain milliy tele marafonı efirinde.
Spikerniñ aytqanına köre, duşman bazı gemilerini içki suvlarğa taşlay bile edi, amma bunı yapmaycaq, çünki Qara deñizde qalğan gemilerni idare etip olamay.
"Başqa deñizlerge kelgende, misal içün, Aq deñiz, anda da kirip olamaylar", — dep qoştı arbiy deñiz quvetleriniñ vekili.
Onıñ qayd etkenine köre, "Rusiye flotunıñ zayıflığı Ukrayinada kerçek arbiy areketler tarafından tasdıqlana".
Pletençuknıñ aytqanına köre, Rusiye özüni "quvetli deñiz devleti" dep saya, amma o, NATO memleketlerinden tehnologiya ceetinden artta qala.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
